हेर्नुहाेस् आज तपाईकाे राशिफल कस्ताे छ ?

मेष (चु, चे, चो, ला, लि, लु, ले, लो, अ)
अरूलाई प्रभावमा पारेर काम बनाउन सकिनेछ। रमणीय र सुखद यात्रा हुनेछ। सामाजिक कार्यमा विशेष रुचि रहनेछ। सद्विचारले अभिप्रेरित हुनेहरूलाई बढी नै लाभ हुनेछ।

बृष (इ, उ, ए, ओ, बा, बि, बु, बे, बो)
धर्मकर्म तथा समाजसेवामा मन लाग्नेछ। ढिलै भए पनि अधुरा काम सम्पन्न हुनेछन्। प्रविधिका क्षेत्रमा उन्नति हुनेछ। शैक्षिक क्षेत्रमा सफलता मिल्नेछ। जोस, जाँगर बढ्नेछ। पारिवारिक सम्बन्ध कसिलो बन्नेछ।

मिथुन (का, कि, कु, घ, ङ, छ, के, को, ह)
अनावश्यक काममा धन लगानी गर्नु पर्नेछ। श्रम परेअनुसार मूल्य प्राप्त नहुन सक्छ। वैदेशिक क्षेत्र कमजोर रहनेछ। कार्य सम्पादनमा पनि समस्या आउला। तर, आत्मबल बढाएर काम गरेमा असफल भइँदैन।

कर्कट (हि, हु, हे, हो, डा, डि, डु, डे, डो)
एकपछि अर्को अवसर आउनाले मन प्रसन्न रहनेछ। वैदेशिक क्षेत्रको काम अघि बढ्नेछ। लक्ष्मी प्राप्तिको राम्रो योग छ। दैनिक कार्यमा प्रगति हुनेछ। प्रतिस्पर्धामा उत्तीर्ण भइनेछ। टाढा भएका पारिवारिक सदस्यसँग भेटघाट हुनेछ।

सिंह (मा, मि, मु, मे, मो, टा, टि, टु, टे)
महत्त्वपूर्ण कामको थालनी हुनेछ। कीर्तिमानी काम गर्ने समय छ। स्वादिष्ट भोजनको अवसर मिल्नेछ। जाँगर बढ्नेछ। कला र मनोरञ्जनमा अभिरुचि बढ्नेछ। मनमा उमङ्ग छाउनेछ। पराक्रम बढ्नुका साथै कीर्ति वृद्धिको योग छ।

कन्या (टो, प, पि, पु, ष, ण, ठ, पे, पो)
धैर्य एवं लगनशीलताले अवसर दिलाउनेछ। बन्धुबान्धवबाट सहयोग मिल्नेछ। ज्ञानमा वृद्धि हुनेछ। परीक्षा आदि प्रतिस्पर्धामा उत्तीर्ण हुन सकिनेछ। प्रेममा सफलता प्राप्त हुनुका साथै नयाँ कार्य प्राप्तिका योग छन्।

तुला (र, रि, रु, रे, रो, ता, ति, तु, ते)
विरोधीले कमजोरीको फाइदा उठाउने प्रयत्न गर्नेछन्। अधिकारका लागि संघर्ष गर्नु पर्ला। महत्त्वाकाङ्क्षी योजना गोप्य राखेरै अघि बढ्नुहोला। पढाइलेखाइमा खासै प्रगति गर्न नसकिने देखिन्छ। प्रेम सम्बन्धमा मधुरता छाउनेछ।

वृश्चिक (तो, ना, नि, नु, ने, नो, या, यि, यु)
रोकिएका काम पूरा हुनेछन्। मान, प्रतिष्ठा र पुरस्कार प्राप्त हुनेछ। सुखद यात्रा हुनेछ। वृत्त क्षेत्रमा गरिएको लगानीबाट फाइदा हुनेछ। आर्थिक उन्नतिका साथै परीक्षा आदि प्रतिस्पर्धामा उत्तीर्ण हुन सकिनेछ।

धनु (ये, यो, भ, भि, भु, ध, फा, ढ, भे)
सामूहिक तथा रमाइलो यात्रा हुनेछ। कार्य सम्पादनमा सहजता मिल्नेछ। आफ्नै दक्षतामा विभिन्न कार्य सम्पन्न हुनेछन्। धार्मिक तथा सांस्कृतिक गतिविधिमा संलग्न हुनु पर्नेछ। सेयर बजारले साथ दिनेछ।

मकर (भो, ज, जि, खि, खु, खे, खो, गा, गि)
स्वादिष्ट भोजनको विशेष अवसर मिल्नेछ। काम देखाएर अरूको मन लोभ्याउन सकिनेछ। अध्ययन अध्यापनमा सफलता मिल्नेछ। प्राविधिक कार्यमा उन्नति हुनुका साथै आर्थिक वृद्धि हुनेछ।

कुम्भ (गु, गे, गो, सा, सि, सु, से, सो, द)
मनमा देखिने अस्थिरताका कारण निर्णायक क्षमतामा कमी आउनेछ। आत्मघाती काम गर्न पुगिएला, सावधान हुनुपर्छ। पढाइलेखाइमा खासै प्रगति हुँदैन। साँझमा भने सहयोगीहरूको राम्रो साथ प्राप्त हुनेछ।

मीन (दि, दु, थ, झ, ञ, दे, दो, च, चि)
भाग्यले विभिन्न अवसर जुराउनेछ। नयाँ काम वा रोजगारको अवसर मिल्नेछ। सरकारी जागिरेले बढुवा, प्रशंसा र पुरस्कार पाउनेछन्। लक्ष्मी प्राप्तिको राम्रो योग छ। प्रतिस्पर्धामा उत्तीर्ण भइनेछ।