विभिन्न मुद्धामा हिरासतमा रहेका ६ अभियुक्तले दिए कक्षा १२ को परिक्षा

काठमाडौं । हिरासतमा विभिन्न मुद्धामा थुनामा रहेका ६ अभियुक्तले आजबाट सुरु भएको कक्षा १२ को परिक्षा दिएका छन् ।

परीक्षा दिनेहरुमा गत चैत १५ गते तिनकुनेमा भएको राजावादी प्रदर्शनका क्रममा भाटभटेनी लुटपाट गरेको आरोपमा पक्राउ परेका, सवारी ज्यानसम्बन्धी कसुर, अभद्र व्यवहार गायतका मुद्दाका आरोपी रहेका छन् ।

आजबाट सुरु भएको वार्षिक परीक्षाको तयारीमा रहेका तर, विभिन्न कसुरमा पक्राउ परेकाहरुको शिक्षाको हकलाई ख्याल गर्दै परीक्षा दिने व्यवस्था गरिएको काठमाडौं प्रहरीका प्रवक्ता एसपी अपिलराज बोहोराले बताए । उनीहरुको परीक्षाका लागि प्रहरीले केन्द्राध्यक्ष नै बोलाएर छुट्टै गार्ड र बेञ्चको व्यवस्था गरेको थियो ।