भैसीले हान्दा घर्तीकाे ज्यान गयाे

काठमाडाै । सिन्धुलीकाे सुनकोसी गाउँपालिका–३, नौबिसेका ७५ वर्षीय गोपाल घर्तीलाई भैसीले हान्दा ज्यान गएकाे छ । वाग्मती प्रदेश प्रहरी कार्यालयका अनुसार बुधबार (माघ ३०) बिहान करिब ७ बजे उनलाई भैंसीले हानेको थियो ।

माइलो छोरा ४४ वर्षीय फडिन्द्र भुजेलको गोठमा बाँधिएको भैंसीलाई घाँस हाल्न जाँदा उक्त घटना भएको हो। अचानक भैंसीले बाँधिरहेको किला भाँची वृद्धलाई सिङले हानेको थियो । त्यही उनको मृत्यु भएको प्रहरीले जनाएको छ। मुचुल्का पश्चात बेलुका साढे ७ बजे उनको शव पोस्टमार्टमका निम्ति जिल्ला अस्पतालमा लगिएको प्रहरीले जानकारी गराएको छ ।