भ्रष्टाचार निवारणमा सरकार असफल भयो : प्रभु साह

काठमाडौँ । आम जनता पार्टीका अध्यक्ष तथा सांसद प्रभु साहले मुलुकमा सुशासन कायम गर्न र भ्रष्टाचार निवारणमा सरकार असफल भएको आरोप लगाएका छन् ।

आज प्रतिनिधिसभाको बैठकमा बोल्दै सांसद साहले भ्रष्टाचार निवारणमा सरकार निरन्तर कमजोर हुँदा विद्यमान शासकीय व्यवस्थाप्रति नागरिक तहमा वितृष्णा बढेको बताएका हुन् । उनले मन्त्रिपरिषद्का निर्णयहरूमाथि पनि छानबिन गर्न समेत माग राखे ।

सरकारमा रहेका दुई विपरीत विचारधारा बोकेका दलहरूले लोकतन्त्रलाई सुदृढ गर्न नसक्ने उनको भनाइ छ । सरकारको पुँजीगत खर्च निकै कमजोर रहेको उनले बताए । सङ्घीय निजामती सेवा ऐन चाँडो पारित हुनुपर्नेमा सांसद साहले जोड दिए ।