रास्वपाको संस्दीय दलको बैठक बस्दै

काठमाडौ । राष्ट्रिय स्वतन्त्र पार्टी (रास्वपा)को संसदीय दलको बैठक बस्दैछ । भोली बिहान ११ बजे पार्टी कार्यालयमा बैठक बस्न लागेको प्रमुख सचेतक सन्तोष परियारले जानकारी दिए।

परियारका अनुसार संसदको आगामी अधिवेशनको तयारीबारे बैठकमा छलफल हुनेछ। प्रमुख प्रतिपक्षी दल नेकपा (माओवादी केन्द्र) सहित विपक्षी दलहरूले सरकारले संसद छलेर अध्यादेश ल्याउनु गलत भएको निष्कर्ष निकाल्दै संसदमा जोडदार रूपमा कुरा राख्ने तयारी गरेका छन्।

रास्वपाले पनि सरकारले जारी गरेको अध्यादेश खोटपूर्ण रहेको निष्कर्ष निकालेको छ। अध्यादेशका अन्तर्वस्तुमाथि भने गुण र दोषका आधारमा बहस गर्ने उसले बताएका छन्। संसदको हिउँदे अधिवेशन यही माघ १८ गते सुरू हुँदैछ।