१० किलाे गाँजासहित पति पत्नि समातिए

काठमाडाै । इलाका प्रहरी कार्यालय मनहरीबाट खटिएको प्रहरी टोलीले दश किलाे गाँजासहित दुई जनालाई समातेकाे छ ।

मनहरी गापा वडा–७ स्थित मनहरी बजारमा शंकास्पद रुपमा हिँडिरहेका पतिपत्नीको साथबाट उक्त परिणामकाे गाँजा बरामद गरेको हाे ।

मकवनापुरको कैलाश गापा वडा–४, झ्याके बस्ने वर्ष ५२ का प्रतापसिं मोक्तान र उनकी ५० वर्षीया पत्नी राममाया मोक्तानलाई शंका लागेर शरीर तथा झोला खानतलासी गर्दा करिब १० किलो गाँजा फेला परेको हो ।