पाँच युवती बेच्न खाेज्ने थिङ प्रहरी खाेरमा

चितवन । भारतको बाटो हुँदै विदेश पठाउने भन्दै पाँच युवतीलाई बेच्न खाेज्ने राजु थिङ प्रहरी खाेरमा जाकिएका छन् ।

जिल्ला प्रहरी कार्यालय चितवनले मकवानपुरको हेटौँडा उपमहानगरपालिका १४ का राजु भन्ने ४४ वर्षका राजकुमार थिङलाई समातेकाे हो ।

थिङले नि:शुल्क विदेश पठाउने भन्दै सुनौली जाने बसमा चढाउन लाग्दा चितवन प्रहरीको टोलीले थिङलाई नियन्त्रणमा लिइ पाँच युवतीको उद्धार गरेको चितवनका प्रहरी एसपी प्रवक्ता गौतम मिश्रले जानकारी दिएका छन् ।