तनहूँमा दुई वटा बस ठाेक्किदा २९ यात्रु घाइते

तनहूँ । राजमार्गअन्तर्गत तनहुँको बन्दीपुर गाउँपालिका–५ नयाँपुल गोरेचौतारामा आज दिउँसो दुई वटा बस एकापसमा ठोक्किँदा २९ जना यात्रु घाइते भएका छन् । 

गण्डकी जिएए ००७० नम्बरको बस र भे १ ख ३४८७ नम्बरको बस एक आपसमा ठोक्किँदा २९ जना घाइते भएको जिल्ला प्रहरी कार्यालय तनहुँका प्रहरी नायव उपरीक्षक अशोक थापाले जानकारी दिए । उनका अनुसार घाइतेमध्ये तीन जनाको अवस्था गम्भीर रहेको छ । 

बसमा च्यापिएका यात्रुलाई मुग्लिन पोखरा सडक योजनाको डोजरको सहयोगमा उद्धार गरिएको छ । हाल घाइतेहरूको डुम्रेस्थित लक्ष्मी अस्पताल र गम्भिर बिरामीलाई चितवन पठाइएको प्रनाउ थापाले बताए ।