चितवन । रास्वपाकाे जारि महाधिवेशनमा रहेका गृहमन्त्री सुधन गुरुङको अम्लेटमा काँडा भेटिएपछि होटलका २ कामदारलाई प्रहरीले नियन्त्रणमा लिएको छ ।
आज बिहान एयरपोर्ट अगाडिको लर्ड होटलमा ब्रेकफास्टमा अम्लेट खानेक्रममा दुईवटा माछाको काँडा भेटिएपछि २ जना कुकलाई नियन्त्रणमा लिइएको चितवनका एसपी रामेश्वर पौडेलले बताए ।
‘भान्छामा खानेकुरा बनाउने दुईजनालाई सोधपुछका लागि नियन्त्रणमा लिइएको हो’, उनले भने ।
अम्लेटमा माछाको काँडा भेटिएपछि प्रमुख जिल्ला अधिकारीसहित खाद्य, प्रहरी लगायतको टोलीले लर्ड होटलको किचनको अनुगमन समेत गरेको छ ।
चितवनमा रास्वपा महाधिवेशनमा आएका प्रतिनिधिहरूलाई खुवाउने खाना स्वस्थ होस् भनेर होटलहरूको अनुगमन तीव्र बनाइएको पनि उनले बताए ।
प्रतिक्रिया