काठमाडौं । नेकपा एमालेले पार्टीका उपाध्यक्ष विष्णु पौडेललाई तुरुन्त रिहा गर्न माग गरेकाे छ । एमालेले पाैडेलमाथि अपमान गर्ने हिसाबले पक्राउ गरेको भन्दै आपत्ति जनाउदै रिहा गर्न माग गरेकाे हे ।
आज बसेको संसदीय दलको बैठकले उपाध्यक्ष पौडेलको पक्राउ गैरन्यायिक भएको निष्कर्ष निकालेको प्रमुख सचेतक ऐन महरले बताए।
बैठकले उपाध्यक्ष पौडेललाई अविलम्ब रिहा गर्न माग गरेको उनले बताए।
उनले भने, ‘उहाँलाई अपमना गर्ने हिसाबले सुर्खेतबाट पक्राउ गरेर ल्याइयो। अपराधीलाई झैँ व्यवहार गरियो। यो पक्राउ प्रतिशोधपूर्ण, गैरन्यायिक छ। यो कानुनी शासन र विधिको बर्खिलापमा छ। यो पक्राउको एमालेले भर्त्सना गरेको छ।’
उनले सरकारको कदमको विरुद्धमा सदनमा दृढतापूर्वक प्रस्तुत हुने निर्णय लिएको बताए।
प्रतिक्रिया