जसपाको संघीय परिषद् बैठक आजपनि

काठमाडौं । अशोक राई नेतृत्वको जनता समाजवादी पार्टीले संघीय परिषदको बैठक आजवाट पनि जारी रहनेछ ।

हिजाे अर्थात असार ६ बाट ललितपुरको भोलढोकास्थित ज्यापू प्रज्ञा भवनमा उक्त बैठक बसिरहेकाे छ । 

युवा नेता दुर्गा सुबेदीका अनुसार पार्टी गठन भएपछि पहिलो पटक बसिरहेकाे संघीय परिषद्को बैठकमा पार्टीका संघीय परिषद् अध्यक्ष राजेन्द्रप्रसाद श्रेष्ठले पार्टीको नीति, सिद्धान्त र विचारसम्बन्धी प्रस्ताव र उपाध्यक्ष रणध्वज कन्दङ्वाले पार्टीको विधान संशोधनको प्रस्ताव प्रस्तुत गरेका छन ।

 
संघीय परिषद्को बैठकमा विधानको धारा २६ (३) अनुसार केन्द्रीय समितिका सदस्यहरु, केन्द्रीय निकायका सदस्यहरु, प्रदेश समितिका पदाधिकारीहरु, प्रादेशिक निकायका पदाधिकारीहरु, राष्टिय समितिका पदाधिकारीहरु, जिल्ला समितिका अध्यक्षहरु, जनवर्गीय संगठनका अध्यक्षहरु र मनोनित संघीय परिषद् सदस्य गरी करिब ४१३ जनाको सहभागी रहेकाे सो पार्टीका नेता सुबेदीले बताए ।