आत्मदाह गरेका आश्विनकुमार राउतकाे पनि निधन

काठमाडौं । हिजाे मात्र आत्मदाह गरेका गणेश नेपालीकाे निधन भएकाे थियाे । यसैगरी आज आत्मदाह प्रयास गरेका व्यवसायी अश्विनकुमार राउतको पनि निधन भएको छ ।

काठमाडौंको बुद्धनगरमा आत्मदाहको प्रयास गरेका ५० वर्षीय  राउतको वीर अस्पतालमा उपचारका क्रममा निधन भएको हाे ।

उनले आज बिहान बुद्धनगरस्थित आफनै घरमा आत्मदाह गरेका थिए । ५० प्रतिशत जलेका  उनकाे केहीबेर अघि उपचारकाे क्रममा निधन भएकाे  जिल्ला प्रहरी परिसर काठमाडौंका एसपी पवन भट्टराईले जानकारी दिए ।