श्रम मन्त्रालयले माग्यो काउन्सेलर र श्रम सहचारी

काठमाडौ। श्रम, रोजगार तथा सामाजिक सुरक्षा मन्त्रालयले विभिन्न देशस्थित नेपाली दूतावासमा रिक्त काउन्सेलर तथा श्रम सहचारीका लागि आवेदन माग गरेको छ ।

मन्त्रालयले दक्षिण कोरिया, कता, मलेसिया, यूएई, ओमानस्थित नेपाली दूतावास तथा महावाणिज्य दूतावासमा काउन्सेलर तथा श्रम सहचारीका लागि आवेदन माग गरिएको हो ।

काउन्सेलर (श्रम) तथा श्रम सहचारी छनौट तथा नियुक्ति सम्बन्धी कार्यविधि तथा मापदण्ड २०७३ अनुसार तोकिएको योग्यता पुगेका कर्मचारीलाई आवेदन माग गरेको हो । सूचना प्रकाशित भएको मितिले ३५ दिनभित्रमा व्यक्तिगत विवरण उल्लेखगरी मन्त्रालयमा आवेदन दिन भनेको हो ।