अमेरिकामा मुनामाथि गोली प्रहार गर्ने व्यक्ति पक्राउ

काठमाडौ । अमेरिकामा गोली हानी हत्या गरिएकी मुना पाण्डेको हत्यारा पक्राउ परेका छन् । हिजो अमेरिकाको ह्युस्टन प्रहरीले मुनाको हत्याराको तस्वीर सार्वजनिक गरेको थियो । तस्वीर सार्वजनिक गरेपनि पनि उक्त व्यक्तिको पहिचान भने खुलाईएको थिएनन ।

अमेरिकामा नेपालीहरूले सञ्चालन गरेको समाचार पोर्टल नेपयोर्कका अनुसार हस्टन प्रहरीले पाण्डेलाई गोली हानी हत्या गरेको आरोपमा सन्दीग्ध एकजनालाई पक्राउ गरेको हो ।

बुधबार ट्राफिक लाइटमा सवारी साधन रोकिँदा उनी देखिएको प्रत्यक्षदर्शीको सूचनाको आधारमा प्रहरीले ती व्यक्तिलाई पक्राउ गरेकव हो ।

पक्राउ परेकाको पहिचान भने खुलाइएको छैन । स्थानीय समय अनुसार शनिबार राति ९ः४८ मुनाको घरबाट बाहिरिँदै गरेका एक पुरुषको सीसीटीभी फुटेज प्रहरीले सार्वजनिक गरेको थियो ।
ह्युस्टन कम्युनिटी कलेजमा अध्ययनरत २१ वर्षीया मुना पाण्डे सोमबार साँझ आफ्नै घरमा हत्या गरिएको अवस्थामा भेटिएकी थिइन्। उनीमाथि गोली प्रहार भएको थियो।