नेकपा एसको पदाधिकारीका लागि भोली मतदान हुँदै

काठमाडौ । नेकपा एकीकृत समाजवादी पार्टीभित्र पदाधिकारी चयनका लागि भोली दिउसो मतदान हुने भएको छ । सहमतिको प्रयास असफल भएपछि १८ पदाधिकारी र पोलिटब्युरो सदस्यका लागि निर्वाचन हुन लागेको निर्वाचन आयोगका प्रमुख माधव पौडेलले जानकारी दिए ।
पदाधिकारी र पोलिटब्युरो सदस्यकाे निर्वाचनका लागि एकीकृत समाजवादीले निर्वाचन तालिका सार्वजनिक गरेको छ । तालिका अनुसार मंगलबार दिउँसो २ देखि ५ बजेसम्म मतदान हुने छ । मंगलबारनै मतगणना थालिने जनाइएको छ ।

मंगलबार एकीकृत समाजवादीले २१ पदाधिकारीमध्ये वरिष्ठ उपाध्यक्षसहित सात उपाध्यक्ष, चार उपमहासचिव र सात सचिव चयन गर्ने छ ।