रुकुममा बस दुर्घटना हुँदा नाैँ जना घाइते

काठमाडाै । रुकुमपश्चिमको आठबिसकोटमा बस दुर्घटना हुँदा नाै जना घाइते भएका छन् । आठबिसकाेट नगरपालिका–११ रिठा भन्ने स्थानमा बस दुर्घटना हुँदा चालकसहित नौं जना घाइते भएका हुन् ।

काठमाडौंबाट रुकुमपश्चिमको राडी जाँदै गरेको प्रदेश ३–००५ ख ९९६६ नम्बरको बस आज दिउँसो करिब पौने २ बजेतिर दुर्घटना भएकाे थियाे ।

घाइते हुनेमा बस चालक धादिङका ३१ वर्षीय खड्कबहादुर तामाङ, सोही ठाउँका २८ वर्षीय भिमबहादुर भुलन, रुकुमपश्चिमको आठबिसकोट नगरपालिका ९ का ३१ वर्षीय प्रकाश गौतम, वडा नम्बर ११ का १७ वर्षीय गणेश रसाइली र दोलखाको भिमेश्वर नगरपालिका ७ बस्ने २६ वर्षीय प्रकाश मगराठी छन् ।

अरु घाइतेहरुमा जाजरकोटको नलगाड नगरपालिका–८ की ४५ वर्षीया भिमकुमारी चदारा, उनका १० वर्षीय छोरा मानबहादुर चदारा, जाजरकोट नलगाड नगरपालिका १२ का २५ वर्षीया सङ कुमारी विक र मोरङका २८ वर्षीय आका काफ्ले छन् । घाइतेहरुको हात, खुट्टा र टाउकोमा चोट लागेको छ ।