कर्फ्यु हटेपछि मधेसको जनजीवन सामान्य बन्दै

जनकपुरधाम । कर्फ्युका कारण असामान्य बनेको मधेसको जनजीवन सामान्य बन्दै गएको छ । सिरहाको गोलबजारमा गणेश यादवको मृत्यु भएपछि बिहीबारदेखि मधेस प्रदेश तनावग्रस्त बनेको थियो ।

गत शुक्रबार गृहमन्त्री सुधन गुरुङ र पीडित परिवारबीच लिखित सम्झौता भएपश्चात् मधेस प्रदेशमा लयमा फर्किन थालेको हो ।
धनुषा, सिरहा र सप्तरीका केही क्षेत्रमा स्थानीय प्रशासनले जारी गरेको कर्फ्यु तथा निषेधाज्ञा हटेको छ । उक्त स्थलमा यातायातका साधन सञ्चालन हुनुका साथै बजार सञ्चालनमा आएको हो ।

अहिले यातायात सेवा सञ्चालनमा आएको र जनजीवन सामान्य बन्दै गएको छ ।

सम्बन्धित जिल्लाका स्थानीय प्रशासनले अफवाहमा विश्वास नगर्न र सामाजिक सद्भाव कायम राख्न सबै पक्षलाई सूचना जारी गर्दै आग्रह समेत गरेको छ ।