पेस्ताेलसहित एक जना पक्राउ

काठमाडाै । प्रहरीले पेस्ताेलसहित एकजनालाई पक्राउ गरेकाे छ ।

पक्राउ पर्नेमा दैलेख घर भई हाल काठमाडौं महानगरपालिका–१६, बस्दै आएका २५ वर्षीय अनिल खड्का रहेकाे प्रहरीले जनाएकाे छ ।

पेस्तोल देखाएर डरत्रास फैलाउँदै हिँडेको सूचनाका आधारमा खड्कालाई हिजाे (शनिबार) राति करिब ९ बजे रानीवनबाट पक्राउ गरिएको जिल्ला प्रहरी परिसर, काठमाडौंले जनाएको छ ।

उनको साथबाट अटो पेस्तोल यूएसए ६५ एनओ १ लेखिएको पेस्तोल र खाली म्यागजिन बरामद गरिएको परिसरका सूचना अधिकारी प्रहरी उपरीक्षक नवराज अधिकारीले जानकारी दिए ।

उनकाे विषयमा प्रहरीले थप अनुसन्धान गरिरहेकाे छ ।