विवादका क्रममा महिलाले गरे पुरुषकाे हत्या

संखुवासभा । आपसी विवादका क्रममा एक महिलाले पुरुषकाे हत्या गरेकी छिन् ।

संखुवासभाको चिचिला गाउँपालिका–४ मत्स्यपोखरीमा एक महिलाले आफ्नै छिमेकी पुरुषको हत्या गरेकी हुन् । सामान्य विवादका क्रममा खुकुरी प्रहार गरेर छिमेकी दुर्गामाया गुरुङले शनिबार भीमबहादुर गुरुङको हत्या गरेको डीएसपी दक्षकुमार बस्नेतले जानकारी दिए ।

हत्याको खबर स्थानीयले गरेपछि जिल्ला प्रहरी र चिचिला प्रहरी चौकीबाट खटिएका प्रहरीले हत्यामा संलग्न दुर्गामायालाई नियन्त्रणमा लिइसकेको छ । उनको साथबाट प्रहरीले खुकुरी बरामद गरेको जनाएको छ । विवादको विषय के थियो भन्ने खुलिनसकेको बताउँदै घटनाबारे अनुसन्धान अगाडि बढाइसकेको प्रहरीले जनाएको छ ।