सर्बोच्चले तोक्यो देउवा पक्षको रिटको पेसी

काठमाडौं । सर्बोच्च अदालतले नेपाली कांग्रेसका पूर्वसभापति शेरबहादुर देउवा समूहको रिटमा पेसी तोकेको छ।

हिजो देउवा र पूर्वकार्यवाहक सभापति पूर्णबहादुर खड्का पार्टीका १५ औँ महाधिवेशन प्रक्रिया रोक्न सर्वोच्चमा रिट दर्ता गरेका थिए।

रिटमाथि सुनुवाइ गर्न बिहीबारका लागि पेसी तोकिएको कांग्रेस नेता मीन विश्वकर्माले जानकारी दिए ।

आधिकारिता विवादमा पुनः सुनुवाइ गर्न सर्वोच्चले निस्सासमेत दिइसकेको अवस्थामा त्यसको टुङ्गो नलाग्दासम्म महाधिवेशनसम्बन्धी काम अघि नबढाउन नमिल्ने देउवा पक्षको तर्क छ।

असोज १६–१९ मा महाधिवेशन गर्ने गरी कांग्रेसले प्रक्रिया अघि बढाएको छ।