सार्कीको अकबरे खुर्सानी खेती

स्याङ्जा । मनबहादुर सार्कीले बाँझो जमिन भाडामा लिएर व्यावसायिक अकबरे खेती सुरु गरेका छन् ।

उनले वार्षिक ४५ हजारमा १५ रोपनी जग्गा भाडामा लिएका हुन्  । यतिखेर सार्की परिवारको जीवन गुजाराको प्रमुख आधार अकबरे खुर्सानी बनेको छ । बाँदरले नखाने, बजार मूल्य राम्रो र खेती गर्न सरल हुने भएकाले उनले अकबरे खुर्सानीको व्यावसायिक खेती सुरु गरेका हुन् । “१५ रोपनी जग्गामा १५ हजार अकबरेका बोटहरु लगाएको छु,” उनले भने, “अहिले त आम्दानी लिन थालिसकेको छु ।” 

उनले हालसमम ८०० केजी खुर्सानी प्रतिकेजी २०० का दरले बिक्री गरिसेका छन्  । उनले छोटो अवधिमा खुर्सानी बिक्रीबाट रु एक लाख ६० हजार आम्दानी बटुलिसे  । “यहाँ उत्पादित खुर्सानी बिक्रीका लागि बजारको समस्या छैन,” उनले भने, “स्थानीय र पोखराका बजारमा खुर्सानी बिक्री हँुदै आएको छ । 

चार वर्ष मलेसियमा काम गर्नुभएका उनले अन्ततः आफ्नै गाउँमा  खुर्सानी खेती गरी सन्तोष जनक आम्दानी गरेका छन्  । बाँझो जमिनको सही सदुपयोग गर्न सकेको खण्डमा आम्दानी गर्न सकिन्छ भन्ने उदाहरणको सार्कीले दिएका छन्  ।