पोखरा । राष्ट्रिय स्वतन्त्र पार्टीका सभापति रवि लामिछानेले आफूमाथि लागेका अभियोगमा अदालतले न्याय दिने विश्वास रहेको बताएका छन् ।
आज जिल्ला अदालत कास्की पोखरामा तारिख बुझ्न पुगेका लामिछानेले सञ्चारकर्मीसँग तारिखका लागि विभिन्न अदालतमा जानुपरेको भन्दै अदालतले आफूमाथि न्याय गर्ने विश्वास व्यक्त गरेका हुन्।
सवैले न्याय अदालतबाटै पाउने भएकाले कानूनी र अदालती प्रक्रियालाई आफूले सदैव सम्मान गर्ने उनले बताए ।
‘मुद्दा दायर भएका अदालतमा तारिख बुझ्न आफैँ उपस्थित हुनुपर्ने भएकाले त्यही अनुसार तालिका बनाएर समय व्यवस्थापन गरिरहेको छु’, उनले बताए ।
सभापति लामिछानेले आफूहरू कानूनी राज्य स्थापित गर्न हिँडेकाले कानूनी प्रक्रियालाई राम्रोसँग बहन गर्ने बताए ।
प्रतिक्रिया