राैतहट ।रौतहट निर्वाचन क्षेत्र नम्बर २ मा रास्वपाका उमेदवार सवार गाडीले ठक्करले एक बालिकाकाे मृत्यु भएको छ ।
आज दिउँसो रास्वपाका उम्मेदवार सगिर आलम चढेको गाडीको ठक्करबाट इशनाथ नगरपालिका वडा नम्बर ४ मठियाकी चार वर्षिया अल्फा खातुनको मृत्यु भएको हो ।
चुनाब प्रचार कै क्रममा रहेको बेला दिउँसो २:३० बजेको समयमा बा१५च ४२४४ नम्बरको कार चढेर मत माग्न जाँदै गरेको बेला तिब्र गतिमा रहेको कारले नाबालिकालाई ठक्कर दिएको थियो । ठक्करबाट गम्भीर घाइते बनेकी उनको उपचारका क्रममा मृत्यु भएको हो ।
घाइते नबालिकालाई चालकले सदरमुकाम गौरस्थित प्रादेशिक अस्पतालमा उपचारको लागि पुर्याएका थिए । उपचारको क्रममा उनकोज्यान गएपछि चालक अस्पतालबाटै फरार भएको प्रहरीले जनाएको छ ।
ठक्कर दिने गाडी प्रहरीले नियन्त्रणमा लिएको र चालकको खोजी भइरहेको जिल्ला प्रहरी कार्यालय रौतहटका प्रहरी प्रवक्ता डिएसपी बिष्णु प्रदीप बस्यालले बताए ।
प्रतिक्रिया