मधेश प्रदेशका मुख्यमन्त्रीले आज विश्वासको मत लिदै

काठमाडौं ।मधेश प्रदेशका मुख्यमन्त्री कृष्णप्रसाद यादवले आज विश्वासको मत लिने तयारी गरेका छन् । मुख्यमन्त्रीले विश्वासको मत लिने प्रयोजनका लागि आज अपराह्न ४ बजे प्रदेशसभा बैठक आह्वान गरिएको छ ।

अपराह्न ४ बजे बस्ने बैठकमा उस्थित हुन प्रदेश सांसदहरुलाई एसएमएस पठाइसकिएको प्रदेशसभा सचिवालयले जनाएको छ । सात दलका ७७ जना सांसदको समर्थनमा कांग्रेसका संसदीय दलका नेता यादव गत मंसिर १९ गते मधेश प्रदेशको मुख्यमन्त्री नियुक्त भएका थिए

प्रदेश प्रमुख सुरेन्द्र लाभ कर्णले संविधानको धारा १६८ को २ बमोजिम यादवलाई मुख्यमन्त्रीमा नियुक्त गरेका थिए ।
मुख्यमन्त्री नियुक्त भएको ३० दिनभित्र विश्वासको मत लिनुपर्ने कानुनी प्रावधान छ । सोही प्रावधान अनुरुप यादवले मुख्यमन्त्रीमा नियुक्त भएका १५ दिनपछि विश्वासको मत लिन लागेका हुन् ।