एक चिहान नाटक मञ्चन जारी

काठमाडौं । ओजस थिएटर रातो पुल काठमाडौँको प्रस्तुति हृदयचन्द्र सिंह प्रधान द्वारा लिखित उपन्यास “एक चिहान“ मा आधारित नाटक मञ्चन जारी छ ।

मंसिर १ गते केएमसी कलेजको सहकार्यमा नेपाल प्रज्ञाप्रतिष्ठानमा विशेष शो अनतर्गत (बिहान ९ बजे ,११ बजे र ३ बजे ०३ शो मन्चन गरिएको थियो ।

गत साउनमा बुटवलमा एक हप्ता प्रदर्शन भएको उक्त नाटक यतिबेला काठमाडौंमा निरन्तर मञ्चन भैरहेको छ ।
मंसिर ५र ७ गते नाचघर मा मन्चन भएको नाटक युनाइटेड कलेज कुमारीपाटी ललितपुरमा ८ र ९ गते दुई दिन ४ शो मन्चन भएको थियो ।

अहिले नियमित मन्चन अन्तरगत ओजस थिएटर रातो पुल काठमाडौंमा मञ्चन भैरहेको छ । भोली १५ गते बनेपा ,काभ्रेपलान्चोकमा देखाइने नाटक मंसिर महिना भर विभिन्न कलेजहरुको सहकार्यमा काठमाडौंमा मन्चन हुने जानकारी ओजस थिएटरले दिएको छ ।

उपन्यासलाई नाट्य रूपान्तरण हर्क मगरले गरेका छन् निर्देशन सागर कार्कीले गरेका छन । डाक्टर गोदत्तको भूमिका निभाएका जे.बि.डीसीको अभिनयलाई बुटवलका दर्शकले अत्यधिक मन पराएका थिए । यस्तै उनको अभिनयका तारिफ काठमाडौंमा पनि उत्तिकै गरेका छन् । यस नाटकमा डीसी आफ्नो चरीत्रमा खरो रूपमा प्रस्तुत भएका छन । हरेक शोको मञ्चनपश्चात गोदत्तको भुमिकाले वावाही प्राप्त गरिरहेको छ । यतिखेर उपत्यकामा नाटक एक चिहान गोदत्तमय बनेको नाटक हेर्न जानेहरुले गर्ने गरेका छन् ।

नाटकमा डिसीसँगै मदन थापा, कल्पना थापा,रितु थापा, सोनु पाण्डे,आशिष श्रेष्ठ,हेमन्त लामिछाने,श्याम कार्की,विप्लव खड्का,उज्वल सैपुम राई,समिर आचार्य,ाहिनुर विश्वकर्मा,सागर कँडेल,गोविन्द खड्का रश्मी गुरुङ,अञ्जना दुलाल र प्रदिप विश्वकर्माले अभिनय गरेका छन् ।