एक लाख घुससहित समातिए कल्याणपुरका मेयर

जनकपुरधाम । एक लाख घुस रकमसहित सिरहाको कल्याणपुर नगरपालिकाका नगरप्रमुख रामपुकार साह पक्राउ परेका छन् ।

उनलाई कल्याणपुरस्थित पालिकाको कार्यालयबाटै अख्तियारको टोलीले पक्राउ गरेको हो । आज दिउँसो एक उपभोक्ता समितिलाई भुक्तानी गर्न घुस लिएलगत्तै नगरप्रमुख साहलाई अख्तियार दुरुपयोग अनुसन्धान आयोगको कार्यालय बर्दिबासको टोलिले पक्राउ गरेको एक कर्मचारीले जानकारी दिए ।

अहिले अख्तियारको टोलीले नगर कार्यपालिकाको कार्यालयमै राखेर नगरप्रमुख साहलाई सोधपुछ गरिरहेको छ । कानूनी प्रक्रिया (मुचुल्का) तयार पारेर थप अनुसन्धान तथा कारबाहीका लागि अख्तियारको कार्यालय बर्दिबास लैजाने तयारी भैरहेको छ ।