सांसदहरुलाई एमालेको ह्वीप

काठमाडौं । प्रतिनिधि सभाबाट भोली आगामी आर्थिक वर्षको बजेट पारित हुने भएपछि नेकपा एमालेले आफ्ना सांसदहरुलाई ह्वीप जारी गरेको छ ।

आज एक ह्वीप प्रकाशित गर्दै मंगलबार संसद बैठकमा अनिवार्य उपस्थित भएर प्रस्तावको पक्षमा मतदान गर्न मुख्य सचेतक महेश बर्तौलाले ह्विप जारी गरेका हुन्।

‘नेपाल सरकारद्वारा पेस गरिएको आर्थिक वर्ष २०८२/०८३ सालको विनियोजन विधेयकलाई २०८२ असार १० गते बस्ने प्रतिनिधि सभाको बैठकमा निर्णयार्थ प्रस्तुत गर्ने कार्यसूची रहेकाले नेकपा (एमाले) संसदीय दलका सम्पूर्ण सदस्यहरूलाई अनिवार्य उपस्थित भई प्रस्तावको पक्षमा मतदान गर्नुहुन ह्विप जारी गरिएको छ,’ बर्तौलाले जारी गरेको ह्विपमा भनिएको छ।