श्रीमतीमाथि खुकुरी प्रहार गरेर श्रीमान बेपत्ता

काठमाडाैं । आफ्नै श्रीमतीलाई खुकुरी प्रहार गरेर हत्या गरि श्रीमान फरार भएका छन् ।  

५८ वर्षीय पदमबहादुर तामाङले २ महिनाअघि विवाह गरेकी ४५ वर्षीया माइती तामाङको गए राति हत्या गरेका छन् ।शंकरापुर- ९ को घटना हो यो ।

हत्यापछि पदमबहादुर फरार छन् । रामेछापको खाँडादेवी-७ उनको स्थायी ठेगान रहेकाे प्रहरीले जनाएकाे छ ।

उनीहरू त्यहाँ कृषिकार्य गरी जीविकोपार्जन गर्थे । मृतक माइली राति पूर्वपति तर्फका दुई सन्तानसँग सुतेकी थिइन् ।

राति साढे ९ बजे पदमबहादुरले पत्नीमाथि खुकुरी प्रहार गर्दा उनको घटनास्थलमै मृत्यु भएको प्रहरीले जनाएको छ । दुई बच्चा गम्भीर घाइते छन् । एक ११ र अर्को १० वर्षका उनीहरूलाई उपचारका लागि ट्रमा सेन्टर लगिएको छ ।

पदमबहादुरले पत्नी आफूसँग सुत्न नआएको झोकमा हत्या गरेको प्रहरीको अनुमान छ ।