एक्कासी कसरी दुब्ला भए जुनियर एनटिआर, तस्विर देखेर फ्यानहरू अचम्मित

हैदारावाद । साउथ अभिनेता जुनियर एनटीआरको एउटा तस्बिर सामाजिक सञ्जालमा अहिले भाइरल भइरहेको छ ।

यो फोटोमा एनटिआर धेरै पातलो देखिएका छन्, यस्तो पातालो शरिर उनको यसअघि कहिल्यै देखिएको थिएन । उनको पछिल्लो तस्बिर हेरेपछि सामाजिक सञ्जालमा अभिनेताको शर्टको मूल्य र उनको कम तौलको चर्चा भइरहेको छ । मानिसहरू भन्छन् कि एनटीआरले ओजेम्पिक प्रयोग गर्दछन् ।

जुनियर एनटीआरका फ्यानहरूले उनको तस्बिरहरू सोशल मिडिया प्लेटफर्म एक्समा पोस्ट गरे पछि चर्चा परिचर्चा सुरू भएको हो । यसमा नीलो शर्ट र कालो प्यान्ट लगाएर दुबईको एक होटलका कामदारसँग पोज दिइरहेका छन् । कलाकारले ८५ हजार भारतीय रुपैयाँको सर्ट लगाएको तस्बिरमा मानिसहरूले प्रतिक्रिया दिइरहेका छन ।

त्यतिकैमा उनी एक्कासी किन पातलो देखिन थाले भनेर अरू अरु पनि छक्क परिरहेका छन् । आफ्नो तस्बिर पोस्ट गर्दै एक प्रयोगकर्ताले लेखे– ‘जुनियर एनटीआरलाई के भयो, स्वास्थ्यमा समस्या छ ?’

अर्का प्रयोगकर्ताले लेखेका छन्– टाइगरले ओजेम्पिक लिएका छन् । उहाँका पुराना हिरोइन र गीतहरू सम्झन्छु । कृपया, एनटिआर गुरु प्लास्टिक सर्जरी सामानहरू नलिनुहोस्।

तर, अभिनेताका फ्यानले उनलाई साथ दिए । एक जना फ्यानले लेखेका छन् – मूर्ख मानिसको मूर्खता बिना मानिसले तौल घटाउन पनि सक्दैन । एकजनाले उनको तौल घट्नुको पछाडि ‘अन्य कारण’ हुनसक्ने दाबी गरेका छन ।

थप अर्का एकजनाले लेखेका छन्– उनी ऋतिक रोशनको फिल्ममा काम गरिरहेका छन् । एकजनाले प्रशान्तसँग आफ्नो आगामी फिल्ममा पातलो मानिसको भूमिका निर्वाह गरिरहेको बताएका छन् ।

जुनियर एनटीआर अन्तिम पटक कोरतला शिवको ‘देवराः भाग १’ मा देखिएका थिए। यसमा एनटीआरसँगै सैफ अली खान र जान्हवी कपूर पनि देखिएकी थिइन । अब एनटीआर चाँडै आयन मुखर्जीको फिल्म ‘वार २’ बाट बलिउडमा डेब्यु गर्दैछन् । यसमा उनीसँगै ऋतिक रोशन देखिदैँ छन् ।