मधेस केन्द्रित दलहरुले पनि बनाए मोर्चा, २६ बुँदे राजनीतिक प्रतिबद्धता जाहेर

काठमाडौं । मधेस केन्द्रित राजनीतिक दलहरूले संघीय लोकतान्त्रिक मोर्चा घोषणा गरेका छन् । आज उनीहरुले विभिन्न २६ बुँदे राजनीतिक प्रतिबद्धतासहित मोर्चा घोषणा गरेका हुन् । थापागाउँस्थित काठमाडौं ब्यांक्वेटबाट मधेस केन्द्रित सात दलहरुले मोर्चा घोषणा गरेको हुन् । मोर्चाको नाम संघीय लोकतान्त्रिक मोर्चा राखिएको छ ।

मोर्चामा जनमत पार्टी, जसपा नेपाल, लोसपा, नागरिक उन्मुक्ति, राष्ट्रिय मुक्ति, जनता प्रगतिशील र तमलोपा रहेका छन्। मधेशी दलहरुले यसअघि नै मोर्चा घोषणा गर्नको लागि कार्यदल बनाएर दस्तावेज तयारीमा जुटेका थिए । मोर्चाको नेतृत्व भने आलोपालो गर्ने सहमति भएको छ ।