काठमाडाै ।सत्तारुढ दल नेकपा (एमाले) को केन्द्रीय कमिटी बैठक आजबाट सुरू हुँदैछ।
एमालेको केन्द्रीय कमिटीको आठौं बैठक आज ११ बजे पार्टी कार्यालयमा बस्नेछ ।
बैठकमा अध्यक्ष कपी शर्मा ओलीले राजनीतिक प्रतिवेदन प्रस्तुत गर्नेछन्। महासचिव शंकर पोखरेलले संगठनात्मक प्रतिवेदन प्रस्तुत गर्नेछन्। त्यस्तै निर्वाचन, अनुशासन आयोगल लगायतले समेत प्रतिवेदन पेस गर्ने कार्यसूची रहेको छ।
अध्यक्षको प्रतिवेदनमा मुलुकको राजनीतिक अवस्था, सरकारले ६ महिनामा गरेका कामहरू, पार्टीको अहिलेको अवस्था लगायत विषय समेटिएका छन्।
सोमबारसम्म चल्ने बैठकमा अध्यक्षको राजनीतिक प्रतिवेदनमा आधारित भएर प्रत्येक सदस्यलाई धारणा राख्ने दिने तयारी एमालेले गरेको छ।
बैठकमा एमालेले सरकारको समीक्षा पनि गर्नेछ। दुई दिनअघि बसेको सचिवालय बैठकले सरकारको काम अपर्याप्त रहेको निष्कर्ष निकालेको थियो।
प्रतिक्रिया