गुल्मीमा महिला मृत फेला, हत्या भएकाे आशंका

गुल्मी ।गुल्मीको इस्मा गाउँपालिकामा एक महिला मृत फेला परेकी छिन् । इस्मा –४ हुलकी ५० वर्षीया मिना दर्लामी आफ्नै घरमा मृत फेला परेको प्रहरीले जनाएकाे छ ।मृतक दर्लामीको शरीरभरि चोट र रगत रहेको जनाईएकाे छ । घरमा श्रीमान शिवबहादुर दर्लामी र मिना बस्दै आएका थिए । उनले आइतबार राति ९÷१० बजेको घटना हुनसक्ने बताए ।

घटनास्थलमा शवको अवस्था हेर्दा हत्या भएको हुनसक्ने स्थानीयले अनुमान गरेका छन् । घटनास्थलमा जिल्ला प्रहरी कार्यालय गुल्मीको टोली गइरहेकोले घटनाको मुचुल्कापछि थप अनुसन्धान हुने जिल्ला प्रहरी कार्यालय गुल्मीका निमित्त कार्यालय प्रमुख प्रहरी नायब उपरीक्षक शंकर पोख्रेलले जानकारी दिए ।