सिनामंगलमा युवायुवती मृत फेला

काठमाडाै ।सिनामंगलको एक होटलमा युवा–युवती मृत भेटिएकाे प्रहरीले जनाएकाे छ ।

आज होलट जन्मभूमिको एउटा कोठामा सुनसरीका करिब २५–२६ वर्षीय रमेश माझी र त्यस्तै उमेरकी एक युवती मृत अवस्थामा फेला परेका हुन् ।

युवा-युवती मृत भेटिएको सूचना आएपछि अहिले घटनास्थलमा प्रहरी पुगेकाे थियाे ।उनीहरू हिजो (शनिबार) मात्रै क्यानडाबाट फर्किएको खुलेको प्रहरीले जानकारी दिएको छ ।

सन् २०२२ मा क्यानडा गएका उनीहरू २ वर्षपछि हिजो शनिबार काठमाडौं फर्केका थिए । त्यसपछि जन्मभूमि होटलमा बसेका उनीहरू पासो लगाएर झुण्डिएको अवस्थामा भेटिएकाले केही पारिवारिक कारण आत्महत्या गरको हुनसक्ने प्रहरीले आशंका गरेको छ।

काठमाडौं महानगरपालिका–९ प्रकाश सन्यास आश्रम जाने बाटोस्थित पर्शुराम आचार्यको घर भाडामा लिएर खोटाङका रामजी कटुवालले जन्मभूमि होटल सञ्चालनमा ल्याएका थिए । उनीहरू सोही होटलमा पौन ७ बजे पुगेका थिए । चौथो तलाको १२० नम्बर कोठामा उनीहरु बसेका थिए ।