आज बिहानै बस दुर्घटना हुँदा १७ जना घाइते

हेटाैडा । पूर्व पश्चिम राजमार्गस्थित हेटौंडा उपमहानगरपालिका–१५ चुरियामाईमा   बस दुर्घटना हुँदा १७ जना घाइते भएका छन् ।

आज बिहान  वीरगन्जबाट पोखरातर्फ आउँदै गरेको ग २ ख १६३१ नम्बरको बस ब्रेक फेल भई सडक छेउमा पल्टँदा चालकसहित १७ जना घाइते भएको जिल्ला प्रहरी कार्यालय हेटाैडाले जनाएको छ ।

बिहान पल्टेको उक्त बसमा चालकसहित १८ जना थिए । घाइतेहरूको उपचार हेटौंडा अस्पतालमा भइरहेको जिल्ला प्रहरी कार्यालय हेटौंडाले जनाएको छ । अधिकांश घाइतेहरूको अवस्था सामान्य रहेको छ ।