पाथिभरामा केबलकार राख्ने वा नराख्नेमा विवाद हुँदा झडप

काठमाडाै । पूर्वको प्रसिद्ध तीर्थस्थल पाथिभरामा केबलकार बनाउने विषयको विवादले  झडप हुँदा ताप्लेजुङमा तनाव सिर्जना भएकाे छ । केबरकार बनाउन दिने र नदिने पक्षबीच आज (शुक्रबार) झडप भएको हो ।

दुई पक्षबीच विवाद हुने स्थिति देखिएपछि प्रहरी परिचालन गरेर स्थितिलाई नियन्त्रणमा लिने प्रयास भइरहेको कोशी प्रदेशका प्रहरी प्रमुख डीआईजी चन्द्रकुवेर खापुङले जानकारी दिएका छन् ।

अहिले दुई पक्षको झडपले त्यहाँ तनावको स्थिति रहेको स्थानीयले जनाएका छन् । घटनाबारे पूर्ण विवरण भने आइसकेको छैन ।