आफ्नै श्रीमती हत्या गरी फरार वान्तवा कतारबाट समातिए

काठमाडौ । आफ्नै श्रमतीको हत्या गरी कतारमा लुकेका एक व्यक्तिलाई ईन्टरपोलमार्फत पक्राउ गरी नेपाल ल्याईएको छ ।

भोजपुरका गजेन्द्र वान्तवा राईलाई एनसिबि दोहाको समन्वयमा कतारमा पक्राउ गरी आज नेपाल फिर्ता ल्याइएको हो।

उनीमाथि झापा मेचीनगर नगरपालिका-११ धाईजन बस्ने ४८ वर्षीया सर्मिला तामाङको हत्या गरेको आरोप छ। उनी मृतक सर्मिलाका श्रीमानसमेत हुन्।
उनलाई सम्बन्धित कसूर बमोजिम कानूनी कारवाहीको लागि इलाका प्रहरी कार्यालय धुलावारी झापाबाट खटि आएका प्रहरीलाई बुझाइएको नेपाल प्रहरी प्रधान कार्यालय इन्टरपोल शाखाले जनाएको छ।