बझाङमा जीप दुर्घटना हुँदा चार घाइते

बझाङ। बझाङमाकाे तलकोट गाउँपालिकाबाट सदरमुकाम चैनपुरतर्फ आउँदै गरेको बा. १८ च ५१४९ नम्बरको जीप भोपूरमा दुर्घटना हुँदा चार जना घाइते भएका छन् । सात जना यात्रु चढेको उक्त जीप तीव्र गतीका कारण सडकमै पल्टिएको हो ।

दुर्घटनामा परी जीपका चालक तलकोट गाउँपालिका-१ का ५६ वर्षीय वीरबहादुर बम, सोही ठाउँकी ४५ वर्षीया धनलक्ष्मी बम, जयपृथ्वी नगरपालिका-११ का १७ वर्षीय शङ्कर धामी र सोही ठाउँका २५ वर्षीया विद्या बोहरा घाइते भएको जिल्ला प्रहरी कार्यालयका इन्स्पेक्टर लोकेन्द्र ठगुन्नाले जानकारी दिए ।