दरबारमार्गमा सवारी जाम

काठमाडाै । दरबारमार्ग सडक बन्द हुँदा आसपास क्षेत्रमा सवारी साधन जाममा परेका छन्।

लैनचौर, उत्तर ढोका, गैरीधारा, हात्तिसार, पशुपति, दिल्लीबजार सडक, कान्तिपथ लगायतमा जाम भइरहेको छ।

त्रिपुरेश्वर, थापाथली, माइतीघर, टुँडिखेल आसपास पनि जाम छ।

बिहीबार बिहानै काठमाडौं उपत्यका ट्राफिक प्रहरी कार्यालयले सूचना जारी गर्दै ट्राफिक डाइभर्जन गरिएको जनाएको थियो। 

संविधान दिवसकाे अवसरामा त्यहाँ कार्यक्रम हुने भएपछि दरबारमार्गमा बाटाे बन्द गरेर स्टेज बनाउने काम भैरहेकाे छ । साेही कारण त्यहाँ जाम भएकाे हाे ।

ट्र्राफिक प्रहरीले केशरमहल चोकबाट दक्षिणगेट तर्फ जाने सवारी साधनलाई जमल तर्फ, जयनेपाल चोकबाट दक्षिणगेट तर्फ आउने सवारी साधनहरुलाई कृष्णपाउरोटी तर्फ र महेन्द्रशालिक चोकबाट दक्षिणगेट तर्फ जाने सवारी साधनहरुलाई घण्टाघर तर्फ डाइभर्सन गर्ने जनाएको थियो।