मुना पाण्डेकाे हत्याराकाे खुल्याे पहिचान

काठमाडौ । अमेरिकामा २१ वर्षीया मुना पाण्डेकाे हत्यामा संलग्न ५१ वर्षीय व्यक्ति बबी सिंह शाह भएको खुलेको छ ।

अमेरिकामा नेपालीहरूले सञ्चालन गरेको समाचार पोर्टल नेपयाेर्कका अनुसार हस्टन प्रहरीले पाण्डेलाई गोली हानी हत्या गरेको आरोपमा पक्राउ परेका व्यक्ति बबि भएकाे पहिचान खुलाएको हो ।

उनलाई सीसीटीभीमा देखिएको तस्बिरका आधारमा प्रहरीले पक्राउ गरेको थियो । बुधबार ट्राफिक लाइटमा सवारी साधन रोकिँदा उनी देखिएको प्रत्यक्षदर्शीको सूचनाको आधारमा प्रहरीले ती व्यक्तिलाई पक्राउ गरेको थियाे ।

उनीविरुद्ध हत्याको मुद्दा दर्ता भएको छ । शाह ह्यारिस काउन्टी जेलका पटके अपराधी भएको बताइएको छ ।

स्थानीय समयअनुसार शनिबार राति ९ः४८ मुनाको घरबाट बाहिरिँदै गरेका एक पुरुषको सीसीटीभी फुटेज प्रहरीले सार्वजनिक गरेको थियो ।

यसपछि उनकाे खाेजीकार्य तीव्र बनाईएकाे थियाे ।