४५ औ प्रधानसेनापतिमा अशोकराज सिग्देल नियुक्त

काठमाडौ । नेपाली सेनाको प्रमुखमा अशोकराज सिग्देल नियुक्त भएका छन् । सरकारको सिफारिसमा राष्ट्रपति रामचन्द्र पौडेलले रथी सिग्देललाई भदौ २४ बाट लागू हुनेगरी नेपाली सेनाको प्रधान सेनापतिमा नियुक्त गरेका हुन् ।

राष्ट्रपति कार्यालयबाट जारी विज्ञप्तिमा भनिएको छ, ‘राष्ट्रपति श्री रामचन्द्र पौडेलज्यूले नेपालको संविधानको धारा २६७ को उपधारा ९५० बमोजिम नेपाल सरकार, मन्त्रिपरिषद्को सिफारिसमा हाल नेपाली सेनाको कायममुकायम प्रधान सेनापतिको कार्यभार सम्हाल्दै आउनुभएका व्य. नं. १६१४ बलाधिकृत रथी श्री अशोकराज सिग्देलज्यूलाई नेपाली सेनाको प्रधान सेनापति पदमा मिति २०८१/५र२४ गतेबाट लागू हुने गरी नियुक्ति गर्नुभएको छ।’

उनी नेपाली सेनाको ४५ औँ प्रधानसेनापति हुन । प्रधानसेनापति प्रभुराम शर्माले अवकाशमा जानुअघि साउन २४ गतेदेखि कार्यभार बुझबुझारथ गरेर बिदा बसेका थिए।