काठमाडाै। मकवानपुरको हेटौंडा उपमहानगरपालिका- १० बसपार्कमा रहेको रत्ना होटलमा युवती मृत फेला परेकी छन् । मृतक महिला हेटौंडा- ११ थानाभर्याङकी २२ वर्षीय एलिशा न्यौपाने रहेको जिल्ला प्रहरी कार्यालय मकवानपुरले जनाएको छ ।
गत शनिबार बेलुका ७ बजे पहिचान नखुलेका पुरुषसँग होटल प्रवेश गरेकी युवती आइतबार दिउँसोसम्म ननिस्किएपछि होटल सञ्चालकले प्रहरीलाई खबर गरेको थियो ।
प्रहरीले घटनास्थल पुगेर हेर्दा सिरकले मुख छोपेको अवस्थामा युवतीलाई मृत फेला पारेको थियो । खाटको वरपर रगतको टाटा देखिएको प्रहरीको भनाइ छ भने ती महिलासँग आएको पुरुष भने शनिबार राति ९ बजे नै होटलबाट निस्किएको र त्यहाँबाट फरार भएको प्रहरीले बताएकाे छ ।
होटलमा आएको पुरुषको विषयमा खोजी कार्य जारी रहेको प्रहरीले बताएको छ ।
प्रतिक्रिया