प्रधानमन्त्री ओली र कांग्रेस सभापति देउवाबीच भेटवार्ता, सामाजिक सञ्जालमार्फत दिए प्रधानमन्त्रीले जानकारी

काठमाडौ । प्रधानमन्त्री केपी ओली र सत्ता साझेदार दल नेपाली कांग्रेसका सभापति शेरबहादुर देउवाबिच आज(शनिबार) भेटवार्ता भएको छ । भेटका बेला दुई नेताबिच समसामयिक विषयमा छलफल भएको बताईएको छ ।

भेटमा सरकारले गरिरहेका र गर्नु पर्ने कामका विषयमा पनि छलफल भएको छ । प्रधानमन्त्री ओलीले सामाजिक सञ्जालमा भेटबारे जानकारी दिँदै लेखेका छन्, ‘आज शनिबार ! नेपाली कांग्रेसका सभापति, पूर्व प्रधानमन्त्री, मेरा मित्र शेरबहादुर देउवाजीसँग कुराकानी भयो। केही जानकारी आदानप्रदान, केही राजनीतिक विमर्श भए। सरकारले गरिरहेका र गर्नु पर्ने कामका विषयमा पनि कुरा भए।’